Isang malaking sunog ang tumupok sa isang gusali sa loob ng isang industrial park sa Barangay Canlubang, Calamba City, Laguna Biyernes.
Sa inisyal na impormasyon, bandang alas-5 ng hapon nang magsimula ang sunog sa pagawaan ng mga agricultural products.
Ayon kay FCInsp Michael Escano, fire marshall ng Bureau of Fire Protection Calamba, hindi pa sila makapagbigay ng detalye sa pinagmulan ng apoy dahil patuloy pa ang pag-apula nito bagama’t under control na ang sitwasyon.
Makikita sa drone video ang makapal na usok at malaking apoy na tumutupok sa gusali.