Kabutihan ni Nora Aunor inalala ng kanyang impersonator na si Ate Gay

Emosyonal na pinasalamatan ng komedyanteng si Gil Morales na kilala rin bilang si Ate Gay ang kanyang idolong si Nora Aunor. Tumatak sa publiko ang pangalan ni Ate Gay bilang impersonator ng superstar at National Artist for Film and Broadcast Arts. Ayon kay Ate Gay, sinuportahan siya sa mahahalagang yugto ng kanyang karera ni Nora Aunor na pumanaw noong Miyerkules Santo, Abril 16.